Gjatë ditës së sotme janë zhvilluar edhe tri ndeshjet e fundit të xhiros së 14 në Superligën e Kosovës.

Llapi ka triumfuar në derbin me Ballkanin në Suharekë, duke mposhtur nën-kampionin e Kosovës me rezultat 2-4, shkruan Arbresh.info.

Dukagjini i është rikthyer fitoreve dhe e ka mposhtur Drenicën me rezultat bindës, 3-0.

Ndërsa në takimin tjetër të zhvilluar sot mes Gjilanit dhe Ferizaj, takimi u mbyll baras 2-2.

Ndërsa befasia e madhe u shkaktua gjatë ditës së djeshme ku lideri aktual Prishtina u mposht në kryeqytet nga Malisheva me rezultat 0-2.

Me po të njëjtin rezultat, Drita e mposhti Prishtinën e Re.

Pavarësisht humbjes, Prishtina vazhdon të prijë në tabelë me 26 pikë, pasojnë Ballkani, Dukagjini e Drita me nga 23 sosh. Tri më pak i ka Llapi në pozitën e pestë. Ndërsa Malisheva renditet e gjashta me 19 pikë, një më pak ka Drenica e cila renditet e shtata.

Teksa pozitën e tetë e mban Gjilani me 16 sosh. Në vendin e nëntë ndodhet Ferizaj me 15 pikë. Derisa renditjen e mbyll Prishtina e Re me nëntë pikë.

Kujtojmë se Drita dhe Prishtina kanë një ndeshje më pak të zhvilluar.

Xhiron e radhës Prishtina e Re – Prishtina, Drita – Ballkani, Llapi – Dukagjini, Drenica – Gjilani dhe Ferizaj – Malisheva./Arbresh.info